Fermat janë të njohura tashmë per sakrificën që i bëjnë komoditetit për shkak të bukurisë dhe modës. Kjo është arsyeja pse shumica e femrave veshin xhinse shumë të ngushta, që t’u duken këmbët më të holla e të gjata dhe vithet më të rrumbullakosura.
Por, lajmet e fundit thonë se disa tendenca të modës janë të dëmshme për trupin dhe shëndetin. Veshja e xhinseve të ngushta shkakton ngjeshje të nervave dhe muskujve në kofshë dhe vithe duke çuar në mpirjen e tyre. Përdorimi për një kohë të gjatë i këtyre pantallonave shumë të ngushta sjell dëmtime serioze të muskujve të këmbëve dhe vitheve dhe, nëse nuk trajtohet për një periudhë afatgjatë, mund të shkaktojë probleme tek veshkat.
Pantallonat e ngushta shkaktojnë presion në pjesën e këmbëve dhe vitheve duke çuar kështu në rritjen e presionit të gjakut tek ajo pjesë, fryrje të muskujve dhe mpirje.
Pantallonat e ngushta mund të shkaktojnë gjithashtu infeksione të traktit urinar.
Përshtati në shqip për “Shëndet+”: Daniela Bardhi
