Koronavirusi i Wuhan është përhapur dhe në vende të tjera që pas rasteve të para të dalluara në Kinën Qendrore në dhjetor. Të paktën 213 persona kanë vdekur e pothuajse 10,000 janë infektuar, ndërkohë që Organizata Botërore e Shëndetësisë (OBSH) e ka shpallur virusin një emergjencë globale të shëndetit publik.
Mbrëmjen e djeshme u konfirmuan dhe dy rastet e para të koronavirusit në Romë, Itali. Mësohet se dy turistët kinezë të diagnostikuar me këtë virus kanë udhëtuar nga aeroporti i Malpensa për në Romë. Lajmi i konfirmua nga kryeministri Italian Giuseppe Conte gjatë një conference për shtyp në “Palatino via Cavour”. Conte deklaroi se janë marrë të gjitha masat paraprake dhe se dy shtetasit kinezë janë shtruar në një spital në Romë.
Ndërkohë dy rastet e para janë konfirmuar dhe në Mbretërinë e Bashkuar. Pacientët janë anëtarë të një familjeje angleze. Këto raste e bëjnë Anglinë vendin e 23 jashtë Kinës që ku është përhapur koronavirusi i ri 2019 – CoV.
Lista e vendeve me raste të konfirmuara të koronavirusit:
- Australi – të paktën 9 raste
- Kamboxhia – të paktën 1 rast
- Kanada – të paktën 3 raste
- Finlandë – të paktën 1 rast
- Francë – të paktën 6 raste
- Gjermani – të paktën 5 raste
- Hong – Kong – të paktën 12 raste
- India – të paktën 1 rast
- Japonia – të paktën 14 raste
- Makao – të paktën 7 raste
- Malajzia – të pakën 8 raste
- Nepali – të paktën 1 rast
- Filipine – të paktën 1 rast
- Singapor – të paktën 13 raste
- Korea e Jugut – të paktën 7 raste
- Sri Lanka – të paktën 1 rast
- Taivan – të paktën 9 raste
- Tailanda – të paktën 14 raste
- Emiratet e Bashkuara Arabe – të paktën 4 raste
- Shtetet e Bashkuara – të paktën 6 raste
- Vietnam – të paktën 5 rast
- Itali – të paktën 2 raste
- Mbretëria e Bashkuar (Angli) – të paktën 2 raste
Burimi: Daily Mail/ CNN
