Znj. Sare Davutoglu vizitoi Spitalin Acibadem Sistina në Maqedoni. Delegacioni i lartë turk, i udhëhequr nga zonja e kryeministrit të Turqisë, znj. Sare Davutoglu, vizitoi spitalin ‘Acibadem Sistina’. Pjesë e këtij delegacioni përkrah, znj. Sare Davutoglu ishin zonjat e ministrave të Ekonomisë, të Punëve të 
Jashtme, të Shëndetësisë, si dhe zonja e ambasadorit të Turqisë në Maqedoni, si dhe anëtarë të parlamentit. Delegacioni u prit nga drejtuesit e spitalit ‘Acibadem Sistina’, që e shoqëruan atë gjatë gjithë vizitës.
Gjatë turneut, znj. Davutoglu, shprehu admirimin e saj për organizimin dhe funksionimin e spitalit. Shprehu mendimin e saj se vizita në ‘Acibadem Sistina’ i konfirmoi pritshmëritë e saj për spitalin në nivelin më të lartë e cila është lider në rajon. Gjithashtu, theksoi bashkëpunimin e suksesshëm me grupin shëndetësor ‘Acibadem’ duke e marë si shembulli i një historie të suksesshme partneriteti.
Znj. Davutoglu e nisi vizitën e saj me qendrën e urgjencës dhe departamentin e pediatrisë. Ajo nuk e fshehu kënaqësinë e saj për mënyrën e organizimit dhe dizenjimit të të gjithë departamentit. Ajo shprehu kënaqësinë e saj për atmosferën në të cilën trajtohen pacientët më të vegjël. Gjatë vizitës, si grua dhe gjinekologe, znj. Sare Davutoglu tregoi një interes të veçantë për departamentin e gjinekologjisë dhe të Fekondimit in Vitro (FIV).
Asaj i bëri përshtypje numri i cikleve të suksesshme të FIV. Sipas saj, ky është një numër i konsiderueshëm që dëshmon suksesin e qendrës në Spitalin ‘Acibadem Sistina’. Në komentet e saj, ajo shtoi se kjo qendër e meriton epitetin më të mirë në të gjithë rajonin.
Gjatë turneut, znj. Sare Davutoglu vizitoi edhe qendrën e onkologjisë dhe radioterapisë, pajisjet teknologjike që përdoren për trajtimin e pacientëve me sëmundje të rënda. Nga specialistët të cilët punojnë në këtë department, mori informacion në lidhje me mënyrën e punës dhe trajtimit të pacientëve të cilët vuajnë nga kanceri.
Znj. Davutoglu përfitoi nga rasti të bisedojë edhe me pacientët të cilët aktualisht trajtohen në ‘Acibadem Sistina’. I përshëndeti ngrohtësisht dhe u uroi atyre shërim të shpejtë. Pati mundësinë të dëgjonte komentet e tyre pozitive dhe kënaqësinë ndaj trajtimit që marrin në spitalin ‘Acibadem Sistina’.
Vizita e znj. Davutoglu ishte pjesë e vizitës zyrtare të delegacionit turk në Maqedoni, udhëhequr nga Kryeministri i Turqisë, z. Ahmet Davutoglu.
