Ilir Beqaj njoftoi nisjen e dy programeve të mëdha, me një vlerë 10 milionë euro. Beqja do t’i shpenzojë paratë në disa poliklinika dhe për Qendrën e Traumës.
“Kemi dy programe të mëdha, 5 milionë euro për fuqizimin e poliklinikave në Tiranë, Korçë, Gjirokastër, Dibër, dhe 5 milionë euro të tjera fuqizimin e Qendrës Kombëtarë të Traumës”, tha Beqaj.
Deklarata u bë gjatë një konference për financimin spitalor.
Beqja sqaroi se qeveria shqiptare i referohet modelit amerikan “single pairy”.
“Synojmë të kalojmë nga pagesa e shërbimeve sipas kostove dhe më pas në vendosjen e DRG-ve. Në jemi të angazhuar për të kaluar te kjo mënyrë financimi e spitaleve. Do ndërtojmë Shërbimin Kombëtar Shëndetësor që do të jetë paguesi i vetëm. Modeli është single pairy”, vijoi Beqaj.
Ministria e Shëndetësisë është nën hetim për disa shërbime të dhëna me konçension. Prokurorët janë në fazën e sekuestrimit të dokumentave, por Ministri i Shëndetësisë ka thënë se është i pafajshëm, për akuzat për korrupsion./ lapsi.al
