Një qytetar ka fëmijën sëmurë, ndaj dhe i drejtohet shërbimit të Pediatrisë në QSUT. Pasi i rekomandojnë që fëmija të bëjë rezonancën, i lenë datë për këtë ekzaminim në fund të muajit prill.
Në këto kushte, hyn në punë “varianti klasik”. Qytetari i paguan 100 mijë lekë nën dorë infermieres Lazime Pëllumbi dhe rezonanca realizohet brenda ditës.
Kamera e fshehtë e emisionit “Stop” këtë herë shkoi në Pediatrinë e QSUT-së, ku shfaqi një rast të pastër korrupsioni për kryerjen e një rezonance brenda ditës.
Infermierja – Hajde!
Qytetari – Përshëndetje!
Infermierja – Mirë?
Qytetari – Unë erdha për një fëmijë. E kam me probleme me dhimbje koke edhe për një rezonancë, edhe…
Infermierja – Ke ardhur dhe një ditë tjetër këtu te unë ti.
Qytetari – Po!
Infermierja – Për ça ke ardhur këtu ti?
Qytetari – Për këtë rezonancën erdha.
Infermierja – Po pra, ta dhashë unë ty letrën.
Qytetari – Po tashi ma kanë planifikuar
Infermierja – Po me pagesë mua më vjen keq tani, unë nuk bëj pazare tani se kam hall se … a kupton?
Qytetari – Po çfarë halli ke?
Infermierja – Nuk do lej punën për… se ku ta di unë se nuk ke ardhur me ndonjë STOP, me ndonjë kamer ti këtu, a kupton?
Qytetari – E kuptoj!
Infermierja – Nuk të besoj… jo nuk besoj asnjë… jo është shumë me rrezik. Unë të thash ty brenda ditës pa 100 mijë lekë (të vjetra) nuk ta bëj dot. Nuk i bëj unë, äas me çunat atje edhe mund të caktojnë një orar më vonë, a kupton? Them unë tashi, po e bënë. Çfarë të thotë Lazimja?!
Qytetari – Tani, unë po të them.
Infermierja – Më pak se 100 mijë lekë, nuk bëhet, jo as bëhet llaf, jo, jo janë 2-3 veta atje që punojnë
Qytetari – Ndonjë 80-tëshe, s’bëhet gjë?
Infermierja – Për Zotin, çfarë të të thotë Lazimja, për kokë të kalamajëve! Unë nuk marr asnjë 5 lekëshe, pa 100 nuk i bën brenda ditës. Nuk dua të shpenzohesh!
Qytetari – Mirë atëherë, unë do ta vendos edhe po qe ashtu, a je këtu ti?
Infermierja – Unë këtu jam deri në orën 2.
Qytetari “vendosi” të paguajë 10 mijë lekë të vjetra për të zgjidhur problemin shëndetësor të
fëmijës, ndaj u rikthye në Pediatri.
Infermierja – Hë çfarë bëre?
Qytetari – Më mirë po e bëj kështu se s’po…
Infermierja – Si?
Qytetari – Me 100 mijë lekëshin.
Infermierja – Do të më heqësh nga puna ti, e shoh unë.
Infermierja – Hajde me mua te dhoma!
Shiko se unë fola me atë çunin dhe a e di se ku është rezonanca te 6-katëshi?
Qytetari – Jo!
Infermierja – Nuk e di ë? M’i lër mua tani lekët! Do më presësh pak se të shoqëroj unë apo do shkosh vetë?
