Në shumë vende, perceptimet negative publike dhe stigma e lidhur me kancerin i ndrydh diskutimet publike informuese dhe i hap rrugën ideve të gabuara në lidhje me këtë sëmundje. Kjo pengon përpjekjet për të rritur ndërgjegjësimin në lidhje me parandalimin e kancerit, sjelljeve të shëndetshme dhe kërkimit për shenja dhe simptoma për diagnostikim të hershëm.
Individët dhe komunitetet duhet të bëhen të vetëdijshëm se të paktën një e treta e kancereve më të zakonshme mund të parandalohen përmes reduktimit të konsumit të alkoolit, ushqyerjes së shëndetshme dhe përmirësimit të niveleve të aktivitetit fizik. Nëse përfshihet edhe pirja e duhanit atëhere shifra është rreth 50%.
• Pesha trupore
Përpiquni të ruani peshë trupore të shëndetshme, sa më pranë peshës suaj ideale
• Aktiviteti fizik
Ushtrohuni ose bëni aktivitet fizik për të paktën 30 minuta çdo ditë
• Ushqime dhe pije që nxisin shtim në peshë
Konsumoni sa më pak pije energjike dhe ushqime që çojnë në shtimin e shpejtë të peshës (jo yndyrnat, sheqernat, dhe po ushqimeve të pasura me fibra)
• Ushqime me prejardhje bimore, perime dhe fruta
Ushqehuni me shumëllojshmëri perimesh, frutash, drithërash dhe lentil
• Ushqime me prejardhje shtazore
Kufizoni konsumin e mishit të kuq (si viçi, derri dhe qengji) dhe shmangni mishrat e përpunuara
• Pijet alkoolike
Pakësoni konsumin e pijeve alkoolike
• Jo duhanit!
• Ruajtja, përpunimi dhe përgatitja
Kufizoni konsumin e kripës dhe shmangni ushqimet e përpunuara
• Suplementet dietike
Mos përdorni suplemente dietike për të parandaluar kancerin, por mundohuni të përmbushni nevojat ushqyese vetëm nëpërmjet dietës dhe ushqimeve që konsumoni
• Ushqyerja me gji
Është më e mira për nënat të ushqejnë foshnjën ekskluzivisht me gji deri në 6 muaj dhe pastaj t’i prezantojnë fëmijës lëngje të tjera & ushqime
• Të mbijetuarit nga kanceri
Pas trajtimit, të mbijetuarit nga kanceri duhet të ndjekin rekomandimet për parandalimin e kancerit/QSUT
