Tirana Expo Centre në bashkëpunim me Qendrën Kombëtare të Panaireve organizon nga data 19-21 mars 2015, Panairin Ndërkombëtar “Medical Expo” me tematikë “Promovimi i Shëndetësisë dhe Industrisë Shëndetësore në Shqipëri”.
Objekt i këtij panairi është i gjithë zinxhiri i Sektorit të Shëndetësisë dhe Industrisë së Shëndetit, pasi Shëndetësia Shqiptare sot ka nevojë që të promovojë në mënyrë dinjitoze veten e saj, stadin e zhvillimit dhe projeksionet e së ardhmes, përmes paraqitjes së zhvillimit të teknikave të reja dhe teknologjisë moderne, diagnostifikuese dhe kuruese.
Në këtë panair janë ftuar të marrin pjesë Institucionet e Kujdesit Shëndetësor, shtetëror ose privat të të gjitha niveleve, sipërmarrjet e përfshira në mënyrë të drejtpërdrejtë ose të tërthortë në sigurimin e shëndetit, si dhe të gjithë aktorët që prodhojnë apo sigurojnë teknologjinë e nevojshme mjekësore, të barnave dhe shërbimeve.
Ju ftojmë të bëheni pjesë e Panairit “MEDICAL EXPO”, si një mundësi e mirë prezantimi, zhvillimi dhe bashkëpunimi për aktivitetin tuaj. Bashkëlidhur gjeni prezantimin e eventit. Për më tepër informacion, klikoni këtu.
Jeni të mirëpritur!
