Pas afro 4 vitesh që qarkullonte në vendin tonë, në pavionin infektiv në QSUT dy pacientë rezultojnë me malaria. I kontaktuar nga Televizioni Klan, shefi i Shërbimit Infektiv, Dhimitër Kraja tha se pacientet e prekura janë dy 2 të shtruar me malarie në QSUT – vajza të reja amerikane, të cilat kohët e fundit kanë udhëtuar në
Kamboxhia.
Fillimisht u dyshua se 4 pjesëtarët e grupit të të rinjve që vinin nga Kamboxhia ishin me malarie, por pas ekzaminimeve, vetëm dy prej tyre rezultuan pozitivë.
Të rinjtë u paraqitën për ndihmë mjekësore në gjendje të rëndë, me temperaturë të lartë, ethe dhe diarre. Sipas mjekëve të Shërbimit Infektiv në QSUT, gjendja shëndetësore e dy pacienteve paraqitet e mirë dhe jashtë rrezikut për jetën.
Bluzat e bardha thonë se nuk ka vend për panik, pasi sëmundja infektive nuk transmetohet nga njeriu tek njeriu, por përmes pickimit nga mushkonja, kur kjo e fundit ka pickuar një person që mbart sëmundjen infektive.
Sëmundja tropikale u shfaq për herë të fundit në vendin tonë para 4 vitesh, kur 18 persona rezultuan pozitiv.
