Përshtati në shqip për “Shendeti.com.al”: Blertina Koka
2/3 e pulave të shitura nëpër supermarketet në të gjithë botën janë të kontaminuara me bakterin e rrezikshëm E.coli.
Ekspertët paralajmërojnë për një rrezik serioz të shëndetit. Sipas tyre, numri i pulave të kontaminuara është rritur shumë më tepër seç tregojnë shifrat e mëparshme.
Gati 78% e pulave të freskëta të shitura në Angli thuhet se përmbajnë super bakterin E.coli, i cili është edhe rezistent ndaj antibiotikëve.
Ky bakter shkakton dhimbje në stomak, infeksione të traktit urinar, sepsis, deri edhe në vdekje.
Bakteri E.coli, që është rezistent ndaj antibiotikëve, i gjetur tek pulat nuk shkakton diarre ose të vjella, megjithatë ekspertët i druhen qëndrimit të tij në zorrë për vite me radhë.
Nëse dikush preket më pas nga një infeksion, bakteri mund ta bëjë rezistent ndaj antibiotikëve.
Një studim i kryer nga Universiteti i Kembrixhit në fillim të këtij viti zbuloi se një në katër pula të shitura nëpër supermarkete janë të kontaminuara.
Burimi: Daily Mail / https://shendeti.com.al/
