Blertina Koka / Shendeti.com.al
Më shumë se 1 miliard njerëz në të gjithë botën janë me aftësi të kufizuara, që përbën rreth 15% të popullsisë globale.
Dita Botërore e Personave me Aftësi të Kufizuar Dita Botërore e Personave me Aftësi të Kufizuar (PAK),3 Dhjetor, synon ndërgjegjësimin e shoqërisë civile, donatorëve, por edhe të përfituesve për t’u bërë pjesë dhe për t’u përfshirë në procesin e integrimit të personave me aftësi të kufizuar në jetën politike, sociale, ekonomike e kulturore.
Kjo ditë është festuar në të gjithë botën që nga viti 1992 për të rritur ndërgjegjësimin publik, pranimin dhe mirëkuptimin e personave me aftësi të kufizuara.
“Le të punojmë bashkë për pjesëmarrjen e plotë dhe të barabartë të personave me aftësi të kufizuara në një botë gjithëpërfshirëse dhe të qëndrueshme, që përqafon njerëzimin në të gjithë diversitetin e saj” deklaroi sekretari i përgjithshëm i Kombeve të Bashkuara, Ban Ki-moon.
Mesazhi i këtij viti është: “Të arrijmë 17 objektivat për të ardhmen që duam”, që fokusohet tek roli i Objektivave të Përgjithshme të Zhvillimit në krijimin e një bote më gjithëpërfshirëse dhe të barabartë për individët me aftësi të kufizuara.
Ky vit përkon gjithashtu me 10 vjetorin e adoptimit të Konventës së të Drejtave të Personave me Aftësi të Kufizuara, një nga traktatet e të drejtave të njeriut të Kombeve të Bashkuara.
Numri i personave me aftësi të kufizuara është rritur në të gjithë botën, për shkak të plakjes së popullsisë dhe përhapjes së sëmundjeve kronike.
Burimi: International Business Times / https://shendeti.com.al/
