Rolina Naço, dietologe
1) Çaj jeshil + 1 fetë limon ose limon jeshil
-Përveçse na hidraton, sidomos në këtë periudhë që temperaturat po rriten, studimet e fundit kanë treguar se 
kombinimi i çajit jeshil me lëngun e agrumeve katërfishon antioksidantët, duke luftuar kështu sëmundjet kardiovaskulare, por edhe tumorale (kryesisht të lëkurës).
2) Ujë + boronicë e kuqe (1-2 gota në ditë)
– Ka veti antibakteriale (mund të përdoret pak më shpesh për personat që kanë imunitein e ulët)
– Gjithashtu përmban një antioksidant që na mbron nga radikalet e lira (të cilat shtohen nga temperaturat e larta)
3) Sallatë me jeshillëqe + avokado + fara luledielli + karrotë
– Një bombë vlerash: në këtë vakt marrim shumë pak kalori, por ndërkohë i ofrojmë trupit vitaminë A (karrota), vitaminë E (farat dhe avokado), acid folik (sallata jeshile). Pra, ushqejmë lëkurën dhe mbrojmë zemrën.
Ky kombinim plotëson gjithashtu më shumë se 100% të nevojave ditore me vitaminë E, që vepron si një antioksidant, duke mbrojtur qelizat nga dëmtimet e shkaktuara nga radikalet të cilët janë një ndër shkaqet kryesore në shfaqen e tumoreve.
