Kush stërvitet me qetësi 30 minuta në ditë për një kohë të gjatë, humb një kile më shumë se ai që stërvitet një orë me ritme të larta. Ky fakt del në 
dritë pas një studimi të kryer në Universitetin e Kopenhagenit, ku për katër muaj janë monitoruar 60 burra mbipeshë, të cilët u krahasuan me një grup që nuk bënte asnjë aktivitet fizik. Studimi tregoi se ata që ndiqnin një program stërvitjeje të moderuar humbën 3,5 kg, ndërsa ata që kryenin stërvitje intensive humbën mesatarisht 2.7 kg.
Ekzagjerimi me ushtrimet, sipas kërkuesve, nuk vlen, sepse në fund hiqet dorë, ndërsa ata që kryejnë një aktivitet të përditshëm për jo më shumë se 30 minuta, janë më të motivuar.
Nga kërkimet rezulton se nuk janë vetëm ushtrimet që bëjnë diferencën por edhe kohëzgjatja. Stërvitjet intensive kanë probleme pasi kush i ndjek deklarohet i lodhur dhe pesimist. Ndërsa ata që bëjnë stërvitje më të lehtë e më pak lodhshme vazhdojnë të jenë më energjikë dhe e vazhdojnë stërvitjen pavarësisht punëve të ndryshme të ditës, duke rënë në peshë më shumë se të tjerët”. (Ansa)
