“Truri është organi më i rëndësishëm i seksit në trupin e njeriut”. Kjo shprehje tepër e njohur përmban një të vërtetë të madhe. Organet seksuale të shëndetshme, nivelet e duhura të hormonit dhe aftësia për t’u eksituar nuk garantojnë një jetë seksuale të mirë. Faktorë të tjerë – si truri – mund të 
ndërhyjnë.
Marrëdhëniet në çift
Tensionet dhe largësia emocionale mund të minojnë jetën seksuale të një çifti. Konfliktet s’kanë lidhje me seksin, po ashtu si dhe financat dhe rritja e fëmijëve, gjithsesi mund të jenë në rrënjë të problemeve seksuale. Dhe një gjë e tillë vepron dhe anasjelltas: një problem seksual e pengon një çift që të mirëkuptohet.
Problemet personale
Një person mund të jetë i shqetësuar se mënyra se si ai kryen marrëdhënie seksuale nuk është e duhura ose e kënaqshme. Kjo ndjenjë theksohet edhe më shumë te burrat dhe gratë pasi kalojnë të 50-at.
Vetëvlerësimi dhe vetëshikimi i trupit
Ka shumë gjëra që mund ta bëjnë një njeri të ndihet më pak joshës. Vitet që kalojnë e rëndojnë trupin. Lindja e fëmijëve, ushqimi jo i mirë, marrja peshë apo rënia e flokëve e bëjnë një person të ndihet më pak i/e dëshiruar. Një ndjenjë e tillë mund të ndërhyjë në bërjen dashuri dhe mund ta pengojë një person në nisjen apo përgjigjen e ngacmimeve seksuale nga partneri.
Pritshmëria dhe përvojat e kaluara
Seksualiteti juaj është një çështje juaja që nga lindja, por historia juaj familjare, kultura, mediat, kolegët formësojnë sjelljen tuaj ndaj seksit. Për disa njerëz, kjo histori i bën që ta shijojnë jetën e tyre seksuale. Për të tjerë, thjesht i ndërlikon marrëdhëniet.
Stresi dhe ndryshimet në stilin e jetës
Stresi dhe lodhja mund ta bllokojnë lehtë jetën tuaj seksuale. Stresi mund të vijë nga çdo drejtim – përballja me fëmjët, problemet financiare, prindërit që plaken, çështjet shëndetësore, problemet e karrierës etj. Kërkesat gjithnjë në rritje mund t’ju pengojnë ju dhe partnerin tuaj për të shijuar marrëdhënien tuaj./ Gridi Shehu
