Një studim i publikuar në Gazetën e Shoqatës Britanike të Kirurgëve urologë, thekson që pothuaj dy të tretat e grave raportojnë probleme seksuale.
Problemi më kryesor përmendet kur gratë kanë mungesë dëshire (47%), ndjekur më pas nga mungesa e orgazmës (45%). Mosha, gjendja e menopauzës dhe përdorimi i antidepresivëve ishin statistikisht faktorë risku domethënës për problemet seksuale femërore.
Kërkuesit studiuan 587 gra të moshës 18 deri 95 vjeçe, të cilat janë trajtuar në klinikën e Nju Xhersit (SHBA). Gratë e reja përmendën problemet me orgazmën, ndërsa gratë e vjetra mungesën e dëshirës dhe kënaqësisë.
Këto janë disa probleme të përbashkëta në përgjithësi:
- Mungesë e dëshirës (47%)
- Probleme të orgazmës (45%)
- Çështjet e gjumit (40%)
- Mungesë e kënaqësisë (39%)
- Mungesë e lubrifikimit (37%)
- Dhimbje (36%)
Tre problemet seksuale nga grupmosha, sipas studimit ishin:
-Mosha 18-30: orgazma (54%), dëshira (36%) dhe kënaqësia (28%)
-Mosha 31-45: dëshira (48%), orgazma (43%) dhe kënaqësia (40%)
-Mosha 46-54: dëshira (65%), kënaqësia (53%) dhe orgazma (48%)
-Mosha 55- 70: dëshira (77%), orgazma (66%) dhe kënaqësia (65%).
Kur një femër nuk dëshiron seks
Një parashikim i quajtur “Viagra femërore”, një ilaç i quajtur flibanserin, u anulua nga një panel ekspertësh të FDA-së (Departament Amerikan që merret me kontrollin e ushqimit dhe ilaçeve), të cilët thonë se ilaçet nuk duket se mund t’i ndihmojnë realisht gratë me probleme seksuale.
Kjo ishte hera e dytë që e ashtuquajtura “viagra femërore” dështoi në treg. Në 2004-n, një panel i FDA-së i tha jo Intrinsa-s, një fashë testosteroni që ndihmon gratë me mungesë të dëshirës seksuale./ Marrë nga CNN – Përshtati në shqip: Elsa Musaj
