Përshtati në shqip për “Shendeti.com.al”: Blertina Koka
Nëse po përjetoni njërën nga këto shenja, është koha t’i kushtoni më shumë rëndësi vetes.
Je në humor të keq – Kur je i dehidratuar, ndihesh i lodhur, i nervozuar dhe në humor të keq.
Ju vjen erë e keqe nga goja – Dehidratimi mund të ulë prodhimin e pështymës, duke shkaktuar rritje të baktereve dhe si pasojë edhe erë të keqe nga goja.
Ju dhëmbin muskujt – Muskujt mund të pësojnë ngërçe nga nxehtësia, prandaj nëse nuk merrni mjaftueshëm ujë, ju mund të përjetoni dhimbje.
Nuk mund të stërviteni – Nuk po arrini standardet e stërvitjes fizike? Kjo nuk do të thotë medoemos se nuk jeni në formën e duhur. Dehidratimi ul tensionin e gjakut, që vështirëson funksionin e zemrës dhe si pasojë ul kapacitetin e ushtrimit fizik.
Keni shikim të turbullt – Kur nuk keni mjaftueshëm lëngje në trup, sytë fillojnë të thahen ndërsa shikimi mund të turbullohet. Nëse keni shikim të turbullt, duhet të shmangni me patjetër drejtimin e makinës apo gjithçka tjetër që mund t’ju rrezikojë shëndetin, si dhe duhet të pini sa më shumë ujë.
Nuk mund të qani – Nëse po qani dhe nuk ju dalin lotët, mund të jetë një shenjë që trupi ka mungesë të madhe të ujit.
Burimi: Yahoo / https://shendeti.com.al/
