Përshtati në shqip: Blertina Koka
Janë me miliarda nerva në trup. Shumica e tyre, nervat periferalë, janë si degë pemësh që shpërndahen në të gjithë trupin dhe transmetojnë mesazhe në vendburim – tru dhe shtyllën kurrizore. Kur gjithçka shkon siç duhet, truri e merr informacionin që duhet, kështu mund të lëvizni muskujt dhe organet e brendshme funksionojnë siç duhet. Ndërsa kur dëmtohen nervat periferalë, është histori tjetër: Mund të vështirësohet ecja, keni dhimbje etj.
Sipas Institutit Kombëtar të Çrregullimeve Neurologjike dhe Goditjes në Tru, me miliona njerëz vuajnë nga dëmtimi nervor perfieralë, ndryshe neuropatia.
Diabeti është shkaku nr.1. Ndërsa fati i keq (që do të thotë se keni trashëguar ndonjë defekt anatomik) është shkaktari i dytë.
Shkaqe të tjera janë kalimi i një traume (si aksidenti me makinë), moshimi, mungesat e e vitaminave, ekspozimi i gjatë ndaj toksinave (si alkooli, ilaçet kundër kancerit, plumbi, mërkuri dhe arseniku) dhe infeksionet e sëmundjet autoimunitare si hepatiti C, difteria, HIV, Epstein-Barr, artriti reumatoid dhe Sindroma Guillain-Barré. Ndërkohë, rreth 30%-40% e rasteve me neuropati janë “idiopatike”, që do të thotë se nuk ka ndonjë shkak të njohur.
Lajmi i mirë është se dëmtimi nervor zakonisht zhvillohet ngadalë, që do të thotë se mund ta trajtoni para se të përkeqësohet – ndërkohë që vendosja e diagnozës së duhur nuk është gjithmonë e lehtë. Prandaj konsultohuni me mjekun nëse i vëreni simptomat e mëposhtme.
Shfletoni galerinë…
