Mungesat në spitale janë të shumta. Pavarësisht deklaratave pompoze të drejtuesve të Ministrisë së 
Shëndetësisë, në fakt situata nuk është dhe aq e këndshme. “Në Spitalin e Traumës ka vetëm allçi me shumicë, asnjë protezë për operacionet ortopedike”. Kjo është deklarata e bërë ditët e fundit në rrjetet sociale nga Unioni i Profesionistëve të Mjekësisë Shqiptare.
Gazeta “Shëndet+” u interesua për të kuptuar se si qëndron ky problem, dhe se si e përballojnë të afërmit e pacientëve një protezë që është e kushtueshme, e duke ditur shifrat shpesh bëhet edhe i papërballueshëm për xhepat e njerëzve me një rrogë mesatare.
Kështu, arritëm të sigurojmë një faturë ku dëshmohet se një protezë blihet me një vlerë prej 800 eurosh. Të pyetur nëse kjo është një protezë “luksi”, të afërmit përgjigjen se jo, kjo është një nga protezat më të lira./ D.C.
