Ndryshimet që kanë nisur në shërbimin Onkologjik jo vetëm në QSUT, por edhe në spitalet rajonale pritet t’i japin fund sorollatjeve të pacientëve me sëmundje tumorale, por edhe ryshfetit të mjekëve për të filluar trajtimin pa radhë.
“Janë ngritur borde te trumore dhe tani nuk shkon pacienti tek onkologu, raditerapisti, kirurgu derë më derë. Por një bord i ngritur merr vendime për trajtimin dhe ecurinë e ia komunikon pacientit duke eliminuar ecejaket dhe korrupsionin”, shprehet Mira Rakacolli.
Shërbimi onkologjik do të menaxhohet nga një ekip mjekësh dhe administratorësh të spitalit Sheba në Izrael që do te krijojnë edhe komitetin e barnave për eliminuar mungesat e tyre.
“Llogarisin kostot, cilat barna duhen dhe jo me mungesa, ndryshon prokurimi për të cilin kanë marrë edhe ok”, shton më tej ajo.
Falë ekipit izraelit në për pacientët me sëmundje turmorale do të mundësohen edhe barna të reja me të cilat trajtohen këta pacientë në vende të tjera të botës.
“Do të mundësojnë barna inovative pasi ne duke qenë treg i vogël nuk kemi akses në këto barna pasi kompanitë nuk kane inters, por izraelitët e mundësojnë këtë”, thekson Rakacolli për TCH.
Përveç se ekipi izraelit i përberë nga mjeku, infermieri radiologu deri dhe në nivel administrimi do të jenë fizikisht në shërbimin onkologjik, grupe të tilla shqiptare do të shkojnë për t’u trajnuar dhe parë për periudha të gjata në Spitalin e Shebes në Izrael.
