Gazetarja Mira Kazhani ka rrëfyer betejën me sëmundjen e kancerit, diagnozë që deri më tani e kishte mbajtur të fshehtë.
Ajo ka treguar se lajmin se vuante nga kanceri i gjirit e mori në nëntor të vitit të kaluar, ndërsa u shpreh se gjatë asaj kohe zgjodhi të heshtë e të përqendrohej tek shërimi.
“Më 2 nëntor 2024 mora lajmin që për çdo grua do të kthehej në makth, u diagnostikova me kancer në gji. Kam kaluar një vit mes klinikave, spitaleve dhe gjithë këto.
Në atë kohë zgjodha të hesht të mos bëhem lajm në rrjet, por të përqendrohem tek shërimi.
Nuk ka kancer të lehtë, është makth, por është më e thjeshtë kur e kap në kohë”, u shpreh ajo.
