Një sherr ka ndodhur paraditen e kësaj të marte (23 shtator) në ambientet e spitalit Shefqet Ndroqi në Tiranë.
Dy punonjës janë konfliktuar me njëri-tjetrin dhe për pasojë njëri prej tyre ka mbetur i lënduar me thikë.
I lënduari po merr trajtim mjekësor, ndërsa policia po punon për kapjen e autorit.
Njoftimi i policisë:
Tiranë/Informacion paraprak: Rreth orës 11:20, në ambientet e një spitali shtetëror, dyshohet se gjatë një konflikti për motive të dobëta, shtetasi D. Ç., rreth 32 vjeç, ka goditur me mjet prerës shtetasin M. O., rreth 37 vjeç, të dy punonjës të spitalit.
Shtetasi M. O. është në kujdesin e mjekëve.
Shërbimet e Policisë po punojnë për kapjen e shtetasit D. Ç.
Grupi hetimor po punon për dokumentimin e rrethanave të rastit.
