Portokallet mund të jenë të famshme për përmbajtjen e lartë të vitaminës C, por ekziston një seri tjetër ushqimesh që konkurrojnë me to, shpesh duke fituar në pikë.
Vitamina C është një vitaminë e tretshme në ujë që gjendet në shumë ushqime, veçanërisht në fruta dhe perime. Është një antioksidant i fuqishëm dhe mungesa e saj shoqërohet me zhvillimin e problemeve të ndryshme shëndetësore me kalimin e kohës, siç janë infeksionet, mavijosjet e shpeshta, shërimi i dobët i plagëve, anemia dhe skorbuti.
Vlen të përmendet se trupi i njeriut nuk mund ta prodhojë ose ruajë vitaminën C. Prandaj, është e rëndësishme ta konsumoni atë rregullisht në sasi të mjaftueshme.
Ushqime të pasura me vitaminë C:
Speca
Specat zile janë një burim i shkëlqyer i vitaminës C. Një filxhan spec i kuq i papërpunuar ofron 46 kalori, përmban 190.3 mg vitaminë C dhe është i pasur me karoten. E njëjta sasi specash jeshil ofron 30 kalori dhe përmban 120 mg vitaminë C.
Brokoli
Brokoli është i pasur me vitamina, minerale dhe antioksidantë. Një filxhan brokoli ofron 55 kalori dhe përmban 101 mg vitaminë C. Gatuajeni për sa më pak kohë të jetë e mundur.
Lakra brukseli
Lakrat e shijshme të brukselit kanë pak kalori, një filxhan ofron vetëm 45 kalori dhe përmban 96 mg vitaminë C. Lakrat e brukselit janë të pasura me vitamina K, A, B-6, folat, kalium, kalcium dhe mangan.
Portokaj
Është burimi më i njohur i vitaminës C. Një portokall mesatar ofron 62 kalori dhe përmban 69.7 mg vitaminë C.
Kivi
Një kivi mesatar ofron 42 kalori dhe përmban 70 mg vitaminë C. Kivi është i pasur me vitamina dhe minerale, duke përfshirë vitaminën E, acidin folik, kaliumin dhe magnezin.
