Kirurgu Gëzim Xhepa përmes një postimi në rrjetin social Facebook, ka reaguar në lidhje me plumbat e gomës që policia e shtetit ka përdorur ndaj protestuesve.
Ai shprehet se në lartësinë kokë qafë janë të rrezikshme, për invadilizim të përjetshëm në zonën e syve, për rrezik jete në zonën e veshit, dhe shok të rëndë në zonën e grykës.
Në reagimin e tij ai i ka bërë thirrje Policisë të ndërpresë përdorimin e tyre
“Plumbat e gomës, tashmë të konfirmuar, në lartësinë kokë qafë janë të rrezikshme, për invadilizim të përjetshëm në zonën e syve, për rrezik jete në zonën e veshit, dhe shok të rëndë në zonën e grykës…!!! Si mjek i kërkoj aksit drejtues të policisë së shtetit të ndërpresë përdorimin e tyre, se është bashkëfajtore në komplikacionet e tyre, pasi tashmë është e provuar se janë përdorur nga efektivë jo profesionistë, për shkak të lartësisë së qitjes…!!!”, thuhet në reagim.
