Rexhina Bici është prezantuar zyrtarisht në detyrën e Drejtores së Përgjithshme të Operatorit të Shërbimeve të Kujdesit Shëndetësor (OSHKSH).
Prezantimi u zhvillua sot nga Zëvendësministrja e Shëndetësisë, Anila Rexha, e cila theksoi rëndësinë e vijimësisë së punës institucionale, forcimit të bashkëpunimit mes strukturave të kujdesit shëndetësor dhe përmbushjes së objektivave për përmirësimin e shërbimeve ndaj qytetarëve.
Gjatë prezantimit u nënvizua nevoja për të vijuar angazhimin në rritjen e cilësisë dhe aksesit në shërbimet shëndetësore, me synim garantimin e një kujdesi sa më efikas dhe të aksesueshëm për të gjithë qytetarët.
OSHKSH është institucioni përgjegjës për organizimin dhe ofrimin e shërbimeve të kujdesit shëndetësor, me fokus përmirësimin e vazhdueshëm të cilësisë së tyre.


