Kur ne flemë, truri nuk pushon. Madje është tepër aktiv. 
Gjumi është i rëndësishëm sepse ne harxhojmë 1/3 e jetës duke fjetur. Mungesa e gjumit dëmton vëmendjen, funksionet vepruese, kujtesën e punës, humorin, aftësitë cilësuese, arsyetimin logjik, madje edhe shkathtësinë.
Ende nuk e dimë saktë se sa gjumë na duhet. Ajo ndryshon në bazë të moshës, gjinisë, shtatzënisë, pubertetit e kështu me radhë.
Dremitja është normale. A ndiheni të lodhur gjatë pasdites? Kjo për faktin se truri ka nevojë të dremisë. Në trurin tuaj po zhvillohet një betejë mes dy ushtrive. Secila ushtri është e përbërë nga legjione me qeliza truri dhe biokimike: njëra palë mundohet t’ju mbajë zgjuar dhe tjetra t’ju vërë në gjumë. Rreth orës 15:00, 12 orë pas pikut të gjumit tuaj, e vetmja gjë për të cilën ka nevojë truri juaj, është gjumi.
Dremitja mund të të bëjë më produktiv. Një studim tregoi se 26 minuta dremitje e përmirësuan performancën e pilotëve të NASA-s me 34%.
Mos lini takime të rëndësishme në orën 15:00. Thjesht s’ka kuptim./ Përgatiti: Arlinda Gjypi
