Mos i përzieni asnjëherë qumështin me frutat apo çokollatën me cajin. Preferoni gjithnjë frutat dhe perimet e freskëta. Shfrytëzoni të mirat e baktereve të mira, si dhe ushqimet mbrojtëse që janë në bazë të dietës mesdhetare, me shumë Omega 3, si peshku apo vaji i ullirit ekstra i virgjër.
Të shfrytëzosh të mirat e marules dhe përbërësve të saj kundër inflamacionit. Bëhet fjalë për imuno-ushqyerjen apo imuno-nutricionin, që bazohet në një sërë studimesh të kryera lidhur me ndikimin e ushqimit mbi sistemin imunitar dhe pasojat mbi shëndetin. Një shkencë e re. Dy ekspertë italianë thonë se ushqimet veprojnë si ilaçet, kështu që në tavolinën e ushqimit është mirë të kemi parasysh këto 10 “pilula”:
- Sistemi imunitar zakonisht ka funksion mbrojtës ndaj efekteve të jashtme, por ushqimet “plehra” (si fast-food) përbëjnë një rrezik të vërtetuar për sëmundjet kardiovaskulare si dhe disa lloje tumoresh.
- Konsumi i ushqimeve me përmbajtje të lartë kalorish, yndyrnash dhe sheqernash prodhon një reagim imunitar që zgjat 6-8 orë që nga momenti kur jemi ushqyer. Lajmi i mirë është që kombinimi i këtyre ushqimeve me ushqimeve apo pije me origjinë bimore e ul këtë stres të organizmit.
- Zorra përmban një masë të madhe mikrobesh e bakteresh që bashkë me indet e zorrëve mirëmban sistemin imunitar.
- Sëmundjet e zemrës, kanceri dhe diabeti shkaktohen më shumë nga masa yndyrore që nuk ndikon në peshë.
- Plakja e sistemit imunitar i ndërlikon sëmundjet e lidhura me moshën. Ushqime me molekula aktive si frutat dhe perimet mund të ndikojnë në parandalimin apo uljen e sëmundjeve kronike inflamatore.
- Alergjitë, mostoleranca ushqimore apo sëmundja celiake: Ushqimi është një mjet i një shumëllojshmërie antigjenesh dhe mund të provokojë reaksione alergjike të dëmshme për organizmin në çdo moment të jetës. E rëndësishme është të eliminoni që nga fëmijëria ushqimet që shkaktojnë një reaksion imunitar. Këto reaksione janë në rritje për shkak të ndotjes mjedisore duke shtuar numrin e sëmundjeve të lidhura me nikelin dhe glutenin.
- Probiotikët kontribuojnë dukshëm në shëndet dhe mirëqenie duke ndihmuar parandalimin apo përmirësimin e alergjive, acarimit të zorrëve për shkaqe të ndryshme dhe ndryshimet imunitare të lidhura me obezitetin apo plakjen. Bakteret probiotike duket se janë të efektshme dhe të dobishme për çdo moshë.
- Flavonoidet: Ende ka pak studime mbi njeriun dhe ende duhet qartësuar përdorimi i substancave sintetike.
- Konsumi i acideve yndyrore të pangopura në dietë është i dobishëm për gjithë sistemin imunitar: vaji i ullirit ekstra i virgjër dhe peshku kanë efekt pozitiv mbi sëmundjet kardiovaskulare.
10. Pak, por të mira: vitaminat dhe oligo-elementet. Janë thelbësore për rregullimin e funksioneve të disa organeve jetësore të organizmit dhe funksionit imunitar, duke luajtur rol aktiv në mekanizmat e parandalimit të proceseve infektive për çdo moshë./ ANSA/ Përshtati në shqip: A.Gjypi
