Përshëndetje! Ju lutem, doja t’ju pyesja lidhur me një problem timin shëndetësor. Ka pak ditë që jam diagnostikuar me astmë. Mjeku më tha që e kam kapur në kohë dhe si e tillë mund të shërohet, ndërkohë që shumë persona që kam pyetur më 
kanë thënë që jo, madje edhe gjyshi im ka vuajtur gjithë jetën nga ajo sëmundje.
Përgjigjet për “Shëndet+” mjekja pneumologe Silva Bala:
Duhet ditur se astma është një sëmundje e trashëgueshme. E ka patur gjyshi juaj, e keni edhe ju. Në praktikën tonë kemi një linjë që e ndjekim gjithmonë, pyesim pacientët: Keni në trashëgimi një person që vuan nga astma?
Por në ndryshim nga vitet e mëparshme, sot astma nuk është më ajo sëmundje që dikur njihej si sëmundje kronike. Por është sëmundje plotësisht e kurureshme, kur kapet në stadet fillestare të saj. Kështu përveç klinikës që pacienti duhet ta vlerësojë, është edhe kujdesi që duhet të bëjë mjeku në vlerësimin e rastit.
