E ndërsa malarja është kthyer në çëshje të ditës në vendin tonë kanë ardhur edhe reagime në lidhje me deklaratët e hedhura nga drejtues institucionesh. Drejtoresha e QSUT-së, Ogerta Manastriliu deklaron se këtë vit ka pasur 50 raste me malarie, ndërsa specialsitë e Institutit të Shëndetit Publik pohojnë për një shifër 28 raste këtë vit. Shefja e shërbimit të sëmundjeve infective në ISHP, Silva Bino madje pohon se ndryshe nga sa është deklaruar nuk ka asnjë rast me malarje nga Kukësi.
Ndërsa sa i takon mungesës së medikamenteve Manastirliu deklaron: “Jemi të njohur me situatën dhe me faktin e mungesës së antimalarikëve. Ekzistojnë disa medikamente bazike për trajtimin e këtyre rasteve, por ato të duhurit kur specifikët mungojnë. Këto barna nuk janë të regjistruar në Qendrën Kombëtare të Regjistrimit të Barnave dhe nuk ka gjendje në Shqipëri. Megjithatë ne jemi duke marrë masa që këto barna të vijnë në QSUT në mënyrë që të ofrohet i gjithë kujdesi dhe shërbimi i duhur për këta pacientë për këto raste të importuara të malaries në vend”, u shpreh drejtoresha e QSUT-së.
