Mirela Andoni, personi i tretë që merr pjesë në programin “Të dobësohesh shëndetshëm” organizuar nga “Te Stela Resort”, është 35 vjeçe, nënë e dy fëmijëve. Ajo është 160 cm dhe peshon 94 kg. Për “Shëndet+”, Mirela tregon se peshën më të madhe e mori pas një diete që bënte një vit më parë. Pas përfundimit të
Tre pjesëmarrëset në programin “Të dobësohesh shëndetshëm”
dietës mori dyfish kilet që kishte humbur. Sot me programin “Të dobësohesh shëndetshëm” ajo shpreson që ditëlindja e saj (në shtator) ta gjejë më të dobët.
Mirela, cilat janë përpjekjet tuaja për të rënë nga pesha?
Nuk bëj përpjekje, por ha normalisht dhe eci shumë.
A keni pasur probleme të tjera shëndetësore që kanë kushtëzuar peshën tuaj?
Po, besoj se po, gjendra tiroide dhe ovarie policistike të cilat janë një qark i mbyllur. Pesha ndikon te ato dhe ato ndikojnë në peshë.
Cila është dieta juaj ushqimore e përditshme (si ushqeheni zakonisht)?
Kryesisht konsumoj për mëngjes: qumësht , vezë, djathë, kos, reçel, bukë. Në drekë: gjellë, sallatë, fruta. Ndërsa në darkë: sallatë, supë, fruta.
A keni mbajtur dieta? Cilat kanë qenë ato dhe rezultatet në fund të tyre?
Po, kam mbajtur për rreth 5 muaj një dietë e cila përjashtonte disa perime fruta dhe ushqime të caktuara. Kam humbur gati 12 kg në 3-4 muaj, të cilat i rimora në fund dyfish.
A kryeni rregullisht aktivitet fizik (sport, palestër)?
Jo palestër, vetëm ecje.
Cilat janë arsyet që doni të bini nga pesha?
Sepse jam mbipeshë.
Në takimin me drejtuesit e “Te Stela Resort” cilat ishin përshtypjet tuaja?
Një ekip i kompletuar dhe shumë profesionist. Kam marrë pjesë vite më parë në aktivitetet sportive të organizuara nga profesori Sadik Mema dhe e njoh profesionalizmin e tij.
Takimi me doktorin dhe trajnerin ju ka krijuar bindjen se tashmë do të humbisni peshë?
Besoj se po.
Cilat janë shpresat tuaja në fund të këtij trajtimi?
Të humbas 4-5 kg në muaj.
