Zonjat e para kanë pasur profesione mjaft mbresëlënëse, përfshi këtu : shkrimtare satirike, gjeologe, mësuese për të shurdhër, dhe më shumë. Të gjitha ishin gra që investuan në formimin e tyre, dhe sfiduan pritjet kulturore për të ndjekur interesat e tyre në mënyrë të pavarur. Ja disa gra në karierë të cilat janë kthyer në “zonjat e para” që vërtetojnë se karriera nuk ndikon aspak në martesën dhe familjen:
Louisa Adams, gruaja e John Quincy Adams, ishte artiste. Ajo luante muzikë në harpë dhe madje shkruante vepra satirike, shpesh rreth edukimit të saj tolerues. Adams ishte gjithashtu shpirti i lirë, dhe u ndje e bllokuar në Shtëpinë e Bardhë, të cilës ajo i referohej si “burg”.
Abigail Fillmore, gruaja e presidentit Millard Fillmore, ka punuar si mësuese në shkollën e fshatit Sempronius në Nju Jork. Pas tre viteve të mësimdhënies me kohë të pjesshme, ajo filloi të jepte mësim me kohë të plotë. Më pas jepte leksione private dhe ka marrë oferta nga shkollat private prestigjioze të kohës.
Mc Kinley u diplomua nga Brooke Hall dhe filloi punën si nëpunëse në Bankën Stark County, e cila ishte në pronësi të babait të saj. Ajo ka punuar si punonjëse e thjeshtë dhe përfundimisht si menaxhere e bankës. Puna nuk ishte shumë e pazakontë për gratë nga fundi i shekullit të 19, por ia vlen të përmendet Mc Kinley ishte e vetmja punëtore femër në bankën e babait të saj. Ajo u përball shpesh me përbuzje dhe mosmiratim për ndjekjen e arsimit dhe karrierës.
Ellen Wilson, gruaja e presidentit Woodroë Wilson, ndoqi një karrierë si artiste profesioniste para se të bëhej zonjë e parë. Vitet e para Wilson i kaloi duke udhëtuar në qytete të ndryshme nëpër botë dhe demonstroi aftësitë artistike shkruese. Wilson vazhdoi të merej me shitjen e portreteve dhe skulpturave për të fituar të ardhura të konsiderueshme.
Grace Coolidge gruaja e Presidentit Calvin Coolidge duket të ketë qenë një grua e dhembshur pasi punonte si mësuese për nxënësit që nuk dëgjojnë. Ajo punoi për shumë vite duke dhënë kurse mësimore në Institutin Clarke për të shurdhër para se të bëhej mësuese.
Lou Hoover është padyshim një nga zonjat më interesantenë historinë amerikane. Ajo ishte gjeologe që studioi dhe u specializua në degët gjeologjisë në Universitetin e Stanfordit, dhe ka pasur një interes të përjetshëm në botën natyrore. Në Stanford, Lou gjithashtu studioi një shumëllojshmëri të gjuhëve, përfshi edhe gjuhën kineze. Lou bëri gjithashtu karrierë në arkitekturë. Ajo shprehu interes në çështjet publike dhe me shkrim, shkruajti ese rreth procesit të votimit të grave, dhe ka kaluar shumë kohë jashtë, duke shijuar lojrat në rrugë, basketboll, gjuajtje me hark, shëtitje me varkë dhe patinazh./ Përgatiti për “Shëndet+”: Elena Beta
