Kjo pije është një recetë tradicionale ruse, ajo është një pije e thartë dhe është mjaft e dobishme për shkak të përbërësve që ka. Këto përbërës aktivizojnë funksionin e mëlçisë, veshkat dhe zorrët. Kjo recetë përbëhet nga fermentimi i bukës së ndenjur dhe/ose panxharit.
Disa hulumtime mjekësore tregojnë se pirja e këtij lëngu me panxhar pengon zhvillimin e tumoreve malinje, pastron mëlçinë dhe trupin nga toksinat, redukton kapsllëkun dhe problemet e tjera me zorrët.
Përbërësit:
– kavanoz qelqi 3 litra (ose një tenxhere prej balte do të ishte dhe më mirë, nëse ju gjendet një e tillë)
– 700 gr panxhar
– 2 lugë miell ose 2 copa thekër e vjetër ose bukë e zezë
– 200 gr sheqer ( ju mund t’i shtoni mjaltë ose sheqer diabetik)
– 100 gr rrush i thatë
Përgatitja:
Qërojeni panxharin dhe priteni në kubikë të vegjël, vendosini ato në një kavanoz të pastër. Shtoni rrushin e thatë, 2 lugë miell dhe 200 gr sheqer (ose mjaltë). Mbusheni kavanozin me ujë të ftohtë (që e keni valuar më parë), disa përdorin ujin e lakrës turshi ose hirrë.
Mbylleni kavanozin me mbulesë plastike, ose garzë dhe lëreni në një vend të ngrohtë për 6-7 ditë. Tundeni kavanozin 2 herë në ditë, në mënyrë që të hiqni shkumën kur është e nevojshme.
Pas 7 ditësh, kullojeni lëngun me anë të një garze dhe ju do të përfitoni lëngun e panxharit. Pjesën tjetër mund ta hidhi.
Shija e këtij lëngu do jetë pak acide, e kripur dhe e vrazhdë, por shumë e këndshme për trupin. Pini 3 lugë, 3 herë në ditë para ushqimit. Pas kurës mund të bëni një pushim 3 mujor për ta ripërsëritur trajtimin. Lëngun mbajeni në frigorifer.
Shënim: Kjo pije nuk është e rekomanduar për njerëzit që kanë probleme me veshkat, me traktin gastrointestinal. Ju duhet të konsultoheni me mjekun përpara se ta përdorni këtë kurë.
Përshtati në shqip për “Shëndet+”: Daniela Bardhi
(http://ëëë.healthonlinecentral.com/beetroot-yeast-the-best-russian-recipe-for-all-diseases-it-saves-after-chemotherapy-and-remedies/)
