Ja disa këshilla për të bërë gjumë më të qetë:
- Përpiquni të bëni gjëra të gëzueshme para gjumit. Provoni të lexoni një libër të mirë, të shëtisni ose të bëni diçka që nuk është stresuese.
- Bëni një dush të ngrohtë relaksues para gjumit.
- Mundohuni të dëgjoni muzikë dhe sidomos atë që ju pëlqen ju.
- Mos shikoni asgjë dramatike/shqetësuese në televizion/internet para gjumit. Hiqni televizorin nga dhoma e gjumit. Shumë njerëz e përdorin televizorin për të rënë në gjumë dhe ky është një gabim.
- Flini në heshtje të plotë. Sigurohuni që dhoma e gjumit të jetë e qetë prej zhurmave. Nëse heshtja është problem, konsideroni “zhurmat e bardha” si përdorimi i një disku që luan tingujt qetësues si valët e detit apo pikat e shiut.
- Mbani të rregullt dhomën e gjumit: dhoma e gjumit duhet të jetë si një shenjtërore. Grumbujt e rrobave të hedhura në shtrat, një mal me gjëra që rrinë rrëmujë para jush, të pengojnë emocionalisht dhe çojnë në probleme për të fjetur.
- Mbani dhomën tuaj të freskët: dhoma e gjumit duhet e ventiluar me një temperaturë që është e favorshme për të fjetur. Kjo temperaturë do të varet vetëm nga ju. (Informacion më të plotë për gjumë të qetë do të gjeni në numrin e ardhshëm të gazetës Shëndet+)
