Përshtati në shqip për “Shëndet+”: Daniela Bardhi
Pjesa e brendshme e syrit është e përbërë nga 2 pjesë: epiteli dhe irisi. Epiteli është i përbërë nga 2 shtresa të qelizave që përmbajnë pigmente të zeza dhe kafe, përballë tyre është i vendosur irisi, i cili është i përbërë nga fibra pa ngjyrë. Është 
pikërisht niveli i melaninës ai që ndikon në ngjyrën e syve. Për shembull, sytë kafe kanë një përqendrim më të lartë të melaninës në iris, i cili e thith dritën nëpër shtresat e tij duke i dhënë ngjyrën e errët syve.
Sytë jeshilë kanë më pak melaninë dhe absorbojnë më pak dritë. Kjo do të thotë se një pjesë e dritës nuk mund të absorbohet, por ajo reflektohet dhe krijon ngjyrën e kaltër (si pasojë e “efektit Tindal”). Kombinimi i ngjyrës së thellë kafe dhe reflektimit blu jep ngjyrën e gjelbër tek sytë. Njerëzit me sy jeshilë janë më të rrallë.
Interesant është fakti se sytë blu përmbajnë shumë pak melaninë dhe në të vërtetë ngjyra blu tek sytë e këtyre njerëzve nuk është e mirëkrijuar, sepse ajo varet gjithmonë nga drita dhe koha. Nëse e keni vënë re, njerëzve me sy blu (dhe jeshil) iu ndryshon ngjyra e syve në varësi të dritës që u reflektohet dhe në varësi të kohës atmosferike.
A kishim të drejtë kur thamë që njerëzit me sy blu janë të ndryshëm nga të tjerët dhe veçantë? / Burimi: cuisinehealth
