Edhe pse dihej që në muajin qershor se ne Shqipëri po qarkullonte nën-varianti i Omcron Ba5 madje dhe mjekët kanë deklaruar se pacientët me covid janë me Ba5, këtë të enjte Instituti i shëndetit publik ka konfirmuar zyrtarisht se në vendin tonë qarkullon BA4 dhe me shumë ai BA5.
“Ne konfirmojmë prezencën e varianteve BA4 dhe BA5 në vënd. Pas konfirmimit të mostrave, 230 prej tyre u dërguan në laboratorin e Gjermanisë. Nga totali, mbi 83% ishin BA5 dhe një përqindje e vogël, rreth 4% ishte BA4”- tha drejtoresha e ISHP, Eugena Tomini.
Sipas drejtores së Institutit të shëndetit publik pozititiviteti mbetet i lartë.
“Vijon një pozitivitet i lartë i prezencës në 24 orëve. Ky pozitivitet reflektohet edhe me prezencën e rasteve spitalore. Ndalesa e dozave të vaksinimit na japin një tablo klinike më të agravuar të rasteve”- shtoi Tomini.
Bashkë-qarkullimi i dy nën-varianteve te Omicron por dhe virozat stinore në fillim të vjeshtës, pritet të komplikojnë situatën në vendin tonë.
