Për gazetën “Shëndet+”, kardiokirurgu Klodian Krakulli
Problemet me zemrën janë shtuar, pasi ka ndryshuar mënyra e të jetuarit në shumë drejtime. Stresi është shtuar, edhe aktiviteti fizki ka ndryshuar. Njerëzit merren më shumë me punë zyrtare, që nënkupton qëndrimin në zyra. Kjo ka bërë që popullata shqiptare të ketë rritje në peshë. Kemi 1000 raste në 1 milion banorë që kanë nevojë për ndërhyrje kirurgjike. Nëse jemi 3 milionë banorë, ne kemi nevojë për 3 mijë ndërhyrje kirurgjikale përsa i përket sëmundjes ishemike. Kemi edhe procedurën e bypass-it.
Të gjitha rastet e problemeve kardiake kanë nevojë për ndërhyrje kirurgjike apo mund të trajtohen dhe me medikamente?
Ka sëmundjet të cilat mund të trajtohen në mënyrë kirurgjikale, ka edhe sëmundje të cilat mund të trajtohen në rrugë medikamentale
A mund t’i parandalojmë sëmundjet kardiake?
Të ushqyerit e mirë dhe aktiviteti fizik mund të ndikojnë që sëmundja të mos shfaqet shpejt. Por kjo nuk do të thotë që mund të parandalohet 100%. Thamë që është edhe gjenetike. Gjenetika është gjentikë. Me këto gjëra që përmendëm, ne mund ta vonojmë shfaqjen e këtyre sëmundjeve dhe në shumë raste dhe mund të parandalohet.
A mund të flasim për një risk të uljes së moshës për persona që vuajnë nga sëmundjet kardiake për shkak të jetës joaktive që të rinjtë bëjnë sot dhe qëndrimit për orë të tëra para kompjuterit?
Te moshat e reja duhet propaganduar që të bëhet një aktivitet i rregullt fizik. Të ndryshojë mënyra e të ushqyerit drejt sallatave apo ushqimeve të shëndetshme. Duhet të jemi aleat me këta faktorë.
A kemi raste të pakorrigjueshme?
Sigurisht që ka raste të pakorrigjueshme, ashtu siç ka edhe raste të pakorrigjueshme me anë të operacionit. Jo gjithçka e bën operacioni.
Këshilla
Sëmundjet mund t’i shmangësh. Duhet një dietë e fortë, të shmangim veset e këqija, si: abuzimi me alkoolin, drogën, si dhe është shumë e rëndësishme që të orientohen të rinjtë drejt aktivitetit fizik.
