Alketa Koroshi, nefrolog në shërbimin e nefrologjisë, QSUT
Gratë janë një pjesë e rëndësishme e shoqërisë njerëzore . Ato janë qenie njerëzore njëlloj si burrat dhe duhet të gëzojnë po ato të drejta sikurse burrat. Realizimi jo vetëm “de jure”, por edhe “de fakto” i barazisë ndërmjet burrave dhe grave është
Dr. Alketa Koroshi
thelbësore për të parandaluar dhunën kundër grave e femrave. Kjo dhunë shumë herë nuk është vetëm fizike ose seksuale, por edhe psikologjike ose ekonomike dhe ndodh si brenda, edhe jashtë familjes. Fenomene që akoma ekzistojnë, si trafikimi i femrave, skllavëria seksuale dhe prostitucioni i detyruar sot me konventat ndërkombëtare konsiderohen si krim kundër njerëzimit.
Gruaja dhe burri nuk janë në mënyrë absolute të barabartë midis tyre. Pa dyshim ka dallime që i dallojnë njëri nga tjetri. Por barazia midis sekseve të ndryshme nënkupton luftën për vendosjen e disa kushteve dhe koncepteve që përcaktojnë në radhë të parë respektin për njëri-tjetrin.
Principi i barazisë nuk do të thotë që burrat e gratë janë njëlloj midis tyre, por shoqëria dhe ligji duhet t’i trajtojë në mënyrë të barabartë në mënyrë që të respektojë pikërisht diferencën që ekziston ndërmjet tyre.
