Urologjia, të sëmuresh nga i ftohti

Isha i shtruar te pavioni i urologjisë në QSUT ditët e fundit. Një ndër problemet më të mëdha ishte çështja e ngrohjes. Në këto ditë të ftohta dimri, në dhomë punonte vetëm një prej kaloriferëve, i cili ndizej 5 minuta në mëngjes dhe 5 minuta në mbrëmje. Gjatë ditës dhe natës gjithçka ishte e fikur dhe dhomat ishin akull. Gruaja ime, që ishte personi që duhet të më qëndronte pranë këto ditë dhe të më shërbente (meqë sigurisht spitalet tona nuk kanë infermierë që të të shërbejnë) në krye të tre ditëve u sëmur. Si rrjedhojë u detyruam që të merrnim një ngrohës nga shtëpia me vete dhe të ngroheshim vetë dhe të tjerët në dhomë. Sigurisht që infermieret nuk na thanë gjë pse kishim ngrohëse me vete. Vetëm ato në dhomën e tyre kanë mundësinë e një kaloriferi ngrohës, ndërsa ndërsa vijnë rrotull nëpër pavione, ftohen edhe vetë. Këto janë spitalet tona!