Ish-kryeministri i Kosovës, Bajram Rexhepi, ka vendosur t’i kthehet sërish profesionit të mjeksisë, pas një mungese prej më shumë se 10 vitesh. Mediat kosovare bëjnë të ditur se Rexhepi ka nisur punë si kirurg në spitalin e Mitrovicës. Nga viti 2002, ai la detyrën e tij si mjek për t’iu kushtuar politikës. Gjatë kësaj periudhe 10-vjeçare, Rexhepi ka mbajtur poste të larta, si kryeministër i vendit dhe ministër i brendshëm.
Në një intervistë të dhënë për mediat kosovare, ish-kryeministri pranon se i është kthyer profesionit të kirurgut pasi është e vetmja mënyrë për të fituar para.
