Të gjithë mund të jeni kureshtarë të dini se kush është ai politikan që pret radhën në shkallët e spitalit, duke qenë se njerëz të tillë favorizohen gjithmonë nga spitali. “Me keqardhje” po ju themi se nuk është nga Shqipëria. Bëhet fjalë për ish-kryeministrin italian Mario Monti, i cili është fotografuar në shkallët e një spitali duke pritur radhën si të gjithë njerëzit e zakonshëm.
Fotoja është shpërndarë në internet nga një qytetar i thjeshtë, të cilit i ka bërë përshtypje ky gjest i politikanit dhe më pas është publikuar nga “La Repubblica”.
“Dje më ndodhi një gjë unike. Isha në një spital me time më dhe vjen Mario Monti. E shoqja duhet të bënte një vizitë për të cilën po priste radhën, ashtu si nëna ime. Ajo që më bëri më shumë përshtypje është se profesori kishte ardhur i pashoqëruar nga rojet e tij, dhe ndenji duke pritur radhën si të gjithë ne. Ai qëndroi ulur në shkallë gjatë gjithë kohës, derisa i erdhi radha gruas së tij,” shkroi qytetari.
Përshtati për gazetën “Shëndet+”: Blertina Koka/ Burimi:La Repubblica
