Përshtati në shqip për gazetën “Shëndet+”: Daniela Bardhi
Stina e verës po afron dhe të gjithë duan të kenë një lëkurë të butë, të bukur e të shëndritshme. Pjesët më të ekspozuara të trupit ndaj rrezeve UV janë duart dhe këmbët. Kjo është edhe arsyeja pse këto pjesë të trupit dëmtohen më lehtë dhe thahen shpejt. Në rastet kur një pjesë e lëkurës përmban sasi më të mëdha melanine atëherë ajo merr edhe ngjyrë më të errët.
Ja një krem natyral që do t’ju ndihmojë të keni një lëkurë me pamje të njëtrajtshme dhe të shëndritshme:
Përbërësit: lëng kastraveci, lëng limoni, vaj kokosi, 1 lugë sodë buke, 1 lugë shafran Indie.
Përzieni të gjithë përbërësit sëbashku në blender derisa të formohet një masë homogjene dhe e butë në formë paste. Aplikojeni kremin në lëkurë dhe mbajeni për 20-30 minuta, më pas shpëlajeni atë me ujë të vakët. Kremi duhet të përdoret çdo ditë dhe trajtimi duhet të zgjasë 15 ditë. Pas këtyre ditëve ju do të vëreni ndryshime të dukshme në lëkurë./ Burimi: steptohelath
