Përshtati për gazetën “Shëndet+”: Blertina Koka
Ndonjëherë, produktet më të mira të bukurisë i kemi në shtëpitë tona dhe nuk ua dimë vlerën. Një ndër to është edhe akulli. Nëse jeni lodhur nga puçrrat dhe aknet e shumta në fytyrë, është koha t’ju jepni lamtumirën me vetëm një përbërës.
Më poshtë do të gjeni disa nga arsyet përse duhet ta përdorni akullin:
Akulli e bën lëkurën më të pastër – Kur e vendos në fytyrë, akulli forcon lëkurën dhe zvogëlon poret. Zmadhimi i poreve ndodh për shkak të papastërtive. Akulli i heq ato dhe e bën lëkurën e pastër dhe të bukur.
Përmirëson qarkullimin e gjakut – Për të përmirësuar qarkullimin e gjakut dhe tendosur lëkurën, lageni fytyrën me akull çdo mëngjes.
Largon qeskat poshtë syve – Sipas sajtit të bukurisë ThriveMedSpa, mënyra më e lehtë për të hequr qeskat poshtë syve është përdorimi i kubeve të akullit. Sajti këshillon “Aplikoni me kujdes një kub akulli poshtë syve për rreth 10 minuta…Pasi të hiqni kubet e akullit nga sytë, i thani ato me një peshqir.
I jep një shkëlqim fytyrës – Pasi të bëni dush, masazhojeni fytyrën me disa kubikë akulli që të tkurrni poret dhe t’i jepni fytyrës shkëlqimin e duhur.
Zëvendëson pudrën e fytyrës – Nuk keni pse të përdorni pudër që fytyra të duket më bukur. Mjafton të masazhoni fytyrën me një kub akulli, dhe pastaj të bëni makijazhin e përhershëm.
Burimi: Bustle.com / https://shendeti.com.al/
