Sot në fokus të rubrikës “Unë dhe Mjekësia Alternative” është lexuesja jonë Rudina, e cila ka treguar për të gjithë lexuesit e gazetës “Shëndet+” erëzën që ajo përdor më shumë. Rudina ka folur për xhenxhefilin, një bimë barishtore shumëvjeçare e vendeve të nxehta, e cila njihet për efektet e saj kurative.
Ajo e përdor xhenxhefilin për qëllime të ndryshme: për të kuruar dhimbjet e fytit, si maskë në fytyrë, për të larguar toksinat dhe yndyrat nga trupi etj.
Për të gjithë ata që duan të dobësohen, Rudina u sugjeron çajin me xhenxhefil, kanellë, limon dhe spec djegës, që duhet ta konsumoni sapo të zgjoheni në mëngjes. Ky çaj duhet të konsumohet esëll që të djegë yndyrat dhjamore të trupit.
Ndërsa si maskë për fytyrë, ajo e përdor xhenxhefilin të grirë me pak kos dhe mjaltë.
Shënim: Duhet të keni kujdes në përdorimin e kësaj erëze, pasi jo të gjithë njerëzit mund ta konsumojnë (Lexoni – Kush nuk duhet ta konsumojë xhenxhefilin).
