Përshtati në shqip për gazetën “Shëndet+”: Daniela Bardhi
Sipas psikologëve, njerëzit ankohen sepse duan që t’i nxjerrin emocionet e tyre jashtë, kjo sipas tyre i bën të ndihen më mirë, por nuk është aspak e vërtetë!
Ankimet nuk ju bëjnë të ndiheni më mirë. Sipas psikologëve, ankimet e shpeshta jo vetëm do të dëmtojnë gjendjen tuaj psikologjike, por edhe të njerëzve përreth. Sipas neuroshkencës, sinapset e trurit janë të ndara nga njëra tjetra dhe në mendime të caktuara, qofshin ato negative apo pozitive, njëra anë e trurit dërgon sinjale në anën tjetër. Në raste mendimesh negative, truri rëndohet dhe për pasojë ju bën të ndjeni stres e trishtim.
Përveç kësaj, psikologët shpjegojnë se ankesat e shumta në lidhje me çështje të caktuara bëjnë që edhe njerëzit përreth jush të mërziten e t’ju përçohen energji negative. Në mënyrë që të mbroni shëndetin e trurit, ndaloni vesin e të ankuarit dhe mendoni pozitivisht sepse stresi është një nga faktorët kryesorë që ndikon në shfaqjen e rrezikut të sëmundjeve të caktuara, përmendim këtu sëmundjet e zemrës, tensionin e lartë të gjakut, sëmundjet neurologjike, obezitetin etj.
Burimi: Choose Healthy Life
