Është vetëm 5 vjeç, por jeta i ka rezervuar një mision të vështirë për të përballuar. Kjo është Olesia nga qyteti i Korçës, e cila vuan nga një tumor në kokë që i ka marrë 80% të shikimit. Ajo i është nënshtruar dy ndërhyrjeve kirurgjikale në kokë në një spital në Greqi, por mjekët kanë arritur t’i heqin vetëm 40% të tumorit. Olesia ka kryer një operacion për të vendosur një valvul në tru dhe një të dytë për të hequr masën tumoriale. Tani është e nevojshme të kryhet urgjentisht një operacion i tretë për të hequr pjesën e mbetur.
Ndërhyrja është caktuar në 18 maj në Athinë dhe mjekët i kanë kërkuar 50 mijë euro. Në pamundësi për t’i siguruar lekët, prindërit u janë drejtuar mediave për të kërkuar ndihmën e qytetarëve, qoftë edhe me një ndihmë sado të vogël.
Burimi: Balkan Web
