72 punonjës të spitalit rajonal në Fier kanë protestuar sot përpara drejtorisë së këtij spitali, pasi u njoftuan se me datë 24 maj do të shkarkohen nga puna.
Ata kanë deklaruar se largimi nga puna ka ardhur me motivacionin e “Shkurtimit të vendit të punës”, por në fakt do të zëvendësohen me militantë të PS-ës. Punonjësit thonë se kanë vite që punojnë në këtë spital dhe janë të kualifikuar. Të gjithë këta punonjës kanë nënshkruar një peticion drejtuar kryeministrit Rama dhe ministrit të Shëndetësisë, Ilir Beqja, në të cilin kundërshtojnë reformën e ndërmarrë.
Largime të ngjashme kanë ndodhur në shumë qendra spitalore në mbarë vendin, dhe në pjesën më të madhe të rasteve vendimet janë pritur me protesta./ https://shendeti.com.al/
