Fëmijët, të cilët lindin me operacion cezarian janë më të prirur të bëhen obezë. Ky është rezultati i një studimi në Britaninë e Madhe, që është publikuar në revistën shkencore “Plos one”. Kërkuesit në fushën e mjekësisë thonë se rreziku për t’u bërë obezë në rastin e parë është 22% më i lartë se fëmijët që kanë një lindje normale.
Shkencëtarët e argumentojnë këtë me faktin se stresi i nënës gjatë lindjes natyrale ndikon në gjenet e fëmijës. Si element të dytë, ata thonë se numri i baktereve që prek foshnjat gjatë lindjes vaginale është më i madh. Kjo ndikon drejtpërdrejt në rritjen e imunitetit të fëmijës. Mungesa e bën që të rritet risku për të qenë obez. Në këtë studim në Britaninë e Madhe janë marrë në analizë 38 mijë raste lindjesh. Mjekët rekomandojnë që në rastet kur nuk ka komplikacione, lindjet të kryhen pa operacion.
