Përshtati në shqip për gazetën “Shëndet+”: Blertina Koka
Organizata Botërore e Shëndetësisë ka paralajmëruar se virusi Zika pritet të përhapet në Evropë me ardhjen e verës. Ekspertët paralajmërojnë se përhapja e virusit do të jetë më e lartë në shtetet ku ka mushkonja tigër, insekt i cili gjendet edhe në vendin tonë.
Në një raport të publikuar, OBSH-ja tha se me rrezikun më të madh në Evropë ballafaqohen ishulli Madeiraand, vendet në bregdetin e Detit të Zi në Rusi dhe Gjeorgjia.
Franca është gjithashtu e rrezikuar nga përhapja e këtij virusi, duke qenë se edhe kampionati evropian i futbollit do të zhvillohet këtë vit në këtë shtet. Vende të tjera të rrezikuara, sipas OBSH-ës, janë: Italia, Malta, Izraeli, Spanja, Monako, San Marino, Greqia, Zvicra, Bullgaria, Rumania, Sllovenia, Gjeorgjia, Shqipëria, Bosnja Hercegovina dhe Mali i Zi.
Ky virus, që për burim i ka mushkonjat, është zbuluar në më tepër se 50 vende, ndërsa rasti i parë ishte në Brazil në vitin 2015. OBSH i bën thirrje vendeve të eliminojnë zonat e riprodhimit të mushkonjave dhe t’u sigurojnë qytetarëve e veçanërisht grave shtatzëna, informacione mbi pasojat e mundshme të sëmundjes.
Burimi: Daily Mail / https://shendeti.com.al/
