Përgatiti për gazetën “Shëndet+”: Elena Beta
Rrushi i thatë është një produkt që konsumohet dhe preferohet nga shumë njerëz. Shumë pak prej jush jan ëtë vetëdijshëm për efektet pozitive që ky frut ii thatë i sjell shëndetit..
Një prej shqetësimeve që u jep zgjidhje rrushi i thatë është kapsllëku, pasi fibra që është prezente në të në formë të tharë, thith ujë. Kjo ndihmon në lehtësimin e kapsllëkut.
Rrushi i thatë është gjithashtu shumë i mirë për shtim të peshës, pasi është plot me glukozë dhe fruktozë, e ju jep shumë energji.
Rrushi i thatë përmban sasi të konsiderueshme të hekurit, i cili drejtpërsëdrejti ndihmon në shërimin e anemisë. Bakri që gjendet në to gjithashtu ndihmon në përpunimin e rruazave të kuqe të gjakut.
Acidi Oleanolic, njëri nga fitokemikalet prezente në rrush të thatë, luan një rol të rëndësishëm në mbrojtjen e dhëmbëve kundër prishjes, kaviteteve, copëtimit (spirrimit) të dhëmbëve etj. Me efekt parandalon zhvillimin e Streptocoçus Mutans dhe Porphyromonas Gingivalis, të dy këto specie të baktereve, të cilat janë përgjegjëse për kavitetet dhe problemet e tjera dentale.
Rrush i thatë përmban Fitopërbërësit Polifenolik, të cilët kanë përbërës antioksidues dhe janë shumë të mirë për shëndetin okular (shikimin), pasi mbron sytë nga dëmet e shkaktuara nga radikalet e lira (oksiduesit) sikur degjenerimi makular, dobësimi i pamjes nga mosha, katarakti.
Rrushi i thatë është veçanërisht i dobishëm në parandalimin e osteoporozës që nxitet nga menopauza tek gratë dhe është shume i dobishëm për eshtrat dhe nyjet.
Burimi: healthyfood / shendeti.com.al
