Edhe stresi mund të jetë “ngjitës”. Ky është rezultati i një hulumtimi të kryer nga shkencëtarët e Qendrës Hulumtuese Gjermane të Dresdenit dhe Lajpzigut, sipas të cilit një person mund të jetë i qetë apo i stresuar në varësi të personit që ka afër.
Sipas asaj që është vënë re nga shkencëtarët, nëse një individ qëndron me një person të stresuar, rrezikon të rrisë prodhimin e kortizolit, hormonit të stresit. Hulumtuesit konstatuan tek vullnetarët se në situata të vështira, ata pësuan një rritje prej 26% e tyre të nivelit të kortizolit . Nëse mes vullnetarëve kishte lidhje familjare, përqindja u rrit në 40%. Ky rezultat u konstatua i vërtetë dhe në rastin në të cilin imazhet janë transmetuar nga një ekran.
Sipas shkencëtarëve, kjo do të thotë se edhe programet televizive që na përballin me dhimbje, mund të rrisin nivelet e stresit të personave që e ndjekin.
