Përshtati në shqip për “Shendeti.com.al”: Fize Smailaj
Një paciente me ekzemë, lëkura e së cilës ishte shumë problematike, beson se ka gjetur kurën në një dietë vegjetariane, të pasur me shumë fruta dhe perime të freskëta.
22-vjeçarja Alice Morgan, nga Liverpuli, ka më shumë se 3 vjet që vuan nga një lloj i rrallë ekzeme, që i shkakton shfaqjen e flluskave kudo në trup. Që fëmijë ajo ka pasur probleme me lëkurën, por 3 vitet e fundit gjendja i është përkeqësuar edhe më shumë. Lëkura i acarohej sidomos kur ishte moti i ftohtë.
Alice ka përdorur mjekime dhe kura të shumta, me shpresën se problemi i saj do të gjente një zgjidhje, por pa rezultat. Flluskat ndaluan së shfaquri kur ajo filloi të ndiqte një regjim ushqimor vegjetarian. Alice tregon se gjatë kohës që flluskat shfaqeshin në trupi dhe i shkaktonin kruajtje, problemet nuk ishin vetëm fizike por edhe psikologjike. Ajo ndjehej e vetme, e çuditshme, ndryshe nga të tjerët, e shëmtuar, jo sociale, në ankth dhe nuk kishte besim në vetvete.
Pasi konstatoi se asnjë nga mjekimet nuk po jepte rezultat, ajo ndoqi këshillën e një specialisti në ndjekjen e një regjimi ushqimor të përshtatshëm për të dhe gjendjen në të cilën ajo ndodhej. Asaj i duhej të shmangte disa ushqime të caktuara, si alkooli, nënproduktet e qumështit dhe të grurit.
Ja dieta e re e Alices:
Mëngjesi: selino dhe lëng frutash
Midis mëngjesit dhe drekës: një banane
Dreka: sallatë me salcë avokadoje dhe fruta
Midis drekës dhe darkës: karotë ose sallatë frutash
Darka: perime te ziera
Ëmbëlsira: sallatë frutash
Alice shprehet se tashme ajo po jeton një jetë normale, ashtu siç ka dashur gjithmonë dhe thotë se beson se çdo sëmundje mund të kurohet me anë të konsumimit të ushqimeve të duhura.
Burimi: Daily Mail / https://shendeti.com.al/
