Gratë vazhdojnë të jetojnë më gjatë se burrat.
Në nivel botëror jetëgjatësia është rritur me 6 vite prej vitit 1990, rritje të regjistruara në të gjitha shtetet pavarësisht nivelit të të ardhurave. Rritjet e fundit kanë qenë më të larta në grupet e shteteve me të ardhura të ulëta ku jetëgjatësia qoftë e burrave apo grave është rritur me rreth nëntë vjet – nga 51.2 në 60.2 vite për burrat dhe 54.0 në 63.1 vite për gratë.
Shtysa kryesore e këtij përmirësimi në jetëgjatësi ka qenë rënia e shpejtë e vdekshmërisë foshnjore e vërejtur në shumë vende gjatë dekadës së fundit.
